DRG A–Z: Tge fa il post da documentaziun?

Ils documentalists da l’IDRG dattan scleriments, fan retschertgas, tgiran nossas collecziuns (p.ex. la Fototeca) e preparan tranter auter las illustraziuns per ils fascichels dal DRG.

Actualmain tschertgan Andri Casanova e Manfred Veraguth maletgs per illustrar la seria da pleds che cumenza cun «mort» II ‘tot, leblos’.  Tranter auter datti en quella seria er in artitgel davart il lieu «Mot» ‘Mutten’. Nums da lieus èn detg nuncumplitgads per illustrar, damai che nus ans pudain servir da nossa ritga Fototeca. Qua ha Manfred Veraguth chattà fotografias da Mutten or da la collecziun da Willy Zeller.