Tge fa la redacziun, cura ch’ella na redigia betg?
La redacziun dal DRG è al medem temp en differentas fasas da lavur: scriver artitgels, curreger artitgels da las collegas e dals collegas, curreger ils agens artitgels, curreger las artgas per la publicaziun.
Actualmain en correctura tar ils collegas sa chattan trais manuscrits:
- la seria da motto fin mousselina cun l’artitgel pli grond moula ‘Mühlstein, Schleifrad’ dad Angelica Blumenthal,
- ina seria moventada fin al movimaint ‘Bewegung’ da Silvana Derungs
- e la seria da mu I ‘muh!’ sur muagl ‘Vieh, Rind’ fin muantar ‘bewegen’ da Daniel Telli.
La letra M s’avanza damai …
