L’Institut dal DRG posseda cun la Fototeca ina vasta collecziun da fotografias – tranter auter era da chasas veglias grazia a la perscrutaziun da la chasa purila dal Grischun. Durant ils onns 1945 fin 1955 èn vegnidas documentadas chasas veglias dal Grischun per il project da la perscrutaziun da las chasas purilas (Bauernhausforschung). Dapli da quest project en la publicaziun da Christoph Simonett «Die Bauernhäuser des Kantons Graubünden» (2 toms, Basel, 1965, 1968).
Nus avrin 24 fanestras d’advent per guardar en la Fototeca sin chasas remartgablas, lur parts e las denominaziuns da quellas. Las fanestras pon ins guardar mintga di en las raits socialas (Instagram, LinkedIn u Facebook) sin il profil da l’IDRG u sut #drg_advent ubain era sco collavuraziun cun la Fundaziun Medias Rumantschas (FMR) en la gasetta La Quotidiana.
